Ur wech ouzhpenn omp kaset gant J.-H. Rosny Henañ er Ragistor, pell pell 'zo.
Emañ Helgvor hag e gompagnuned, daou gi, ur bleiz hag ur bugel, O kerzout a-hed ar stêr veur, war-zu hec'h andon.
Uheloc'h war ar stêr, div blac'h e bourzh ur birogenn, a zo o roeñvat pennfollet. Klask a reont tec'hout rak ur strollad brezelourien bountet war o lerc'h e div birogenn all. Tamm-ha-tamm e tigresk an hed etrezo ha tost eo ar merc'hed da vezañ tapet pa zeu trumm Helgvor war wel. Ha dont a raio a-benn d'o saveteiñ daoust d'ar skoilhoù a bep seurt a gavint war o hent?
Setu ar pezh a zo kontet deomp gant J.-H. Rosny Henañ en ul levr plijus hag a ro deomp un damsell eus buhez kriz mab-den et mareoù-hont aet kuit da viken.
|
