Ne oa ket sur war zoñj Kaou Kemener, Komiser a bolis e Brest, ar pez a oa ouz e hortyoz e ti ar Gerlorhed, 39 strêd Jean Jaurès, e Brest.
Galvet e oa bet Kaou da vond di diwar daol pellgomz eur vaouez. Ne ouie ket muioh, rag trohet e oa bet a-daol-trumm linenn ar pellgomz.
Hag eñ, prés warnañ, o sevel gand krapenn ar strêd Jean Jaurès, avel-viz a-benn dezañ ken e tourenne e zaoulagad outañ, d'ar mintin-ze a viz genver.
« Med petra an diaoul, en em houlenne Kaou, a hellfe beza ouz va gortoz e ti ar Gelorhed ? »
|
