Goude bezañ bet medesin ha tremenet e dezenn doktorelezh en deus Goulc'han Kervella dibabet ober ar vicher-c'hoariva, gant Strollad ar Vro Bagan.
Darempredet en deus graet kalz a dud, klañv gant o c'horf hag o spered. Skiant en deus dastumet en o zouez. N'eo ket souezhus en dije, war-lec'h Lara, savet un toullad danevelloù all o tennañ da gleñvedoù pe medisinerezh. Gant tud ha darvoudoù gwir int awenet, kemmesket gant an huñvreoù hag ar faltazi.
Holl e tremenont en ospitalioù m'eo bet o labourat enno ha dreist-holl en e vro c'henidik Plougerne, etre tour-tan an Enez-Werc'h ha parrez kozh Tremenac'h.
|
